من أكثر الأشياء التي أبهرتني عند وصولي كندا كانت وسائل المواصلات العامة
.. خدمة المواصلات العامة هنا أكثر من رائعة وعملية وأدمية وإقتصادية لا
أزال أستخدمها بعد مرور أكثر من سنتين في كندا .. في هذا الموضوع سأحاول
رسم صورة لك عزيزي القاريء عن وسائل النقل العام في كندا والإجابة عن أي
تساؤل لديك .. مرحباً بمشاركاتكم سواء باالإضافة أو الأسئلة أو التصحيح
هاتكلم النهاردة عن الاجرة وعلشان أكون
محدد هأركز على المواصلات في تورنتو أو الTTC .. لو انت في تورنتو وعايز
تركب الباص يا ترى ازاي تدفع الاجرة ؟
لو انت جديد ولسه ماتعرفش التذاكر تشتريها منين ممكن تدفع كاش أول ما تركب الاتوبيس .. اول ماتركب هاتلاقي جنب السواق صندوق الدفع .. خليك جاهز بالمبلغ بالظبط لأن السواق مش معاه فكة .. بتحط المبلغ في الصندوق والسواق بيديلك التذكرة أو ال transfer .. طبعا لما بتدفع الأجرة كاش بتكون أغلى من التذاكر
عادة علشان توصل مشوارك في تورنتو ممكن تكون بتستخدم اكتر من باص او subway (مترو الانفاق) او street car (الترام) .. انت بتدفع مرة واحدة أول مرة وبتحتفظ بالترانسفر توريها للسواق لما بتركب الباص اللي بعده .. في تورنتو لازم تستخدم الترانسفر خلال وقت الصلاحية ولازم تكون الرحلة اتجاه واحد (يعني ماينفعش تروح وتيجي مشوارك بنفس التذكرة لازم تذكرة جديدة)
لو تحب توفر ممكن تشتري مجموعة توكنز وتخليها معاك .. التوكنز هي تذاكر الTTC وشكلها زي العملة المعدنية بالظبط
أما لو بتستخدم المواصلات العامة بشكل مستمر هايكون اوفر ليك جدا انك تشتري Pass اللي هو الاشتراك .. أوفر إختيار هو الاشتراك الشهري (Monthly Pass) وبيسمحلك بركوب الباص والسابواي والستريت كار طوال اليوم عدد لا نهائي من المرات .. في كمان اشتراك اسبوعي ويومي ودول ممكن اينفعوك في اول ايامك في كندا خصوصا لو جيت في نص الشهر
معلومات أكتر عن التذاكر والاشتراكات هاتلاقيها على اللينك دا
https://www.ttc.ca/Fares_and_passes/index.jsp
لو انت جديد ولسه ماتعرفش التذاكر تشتريها منين ممكن تدفع كاش أول ما تركب الاتوبيس .. اول ماتركب هاتلاقي جنب السواق صندوق الدفع .. خليك جاهز بالمبلغ بالظبط لأن السواق مش معاه فكة .. بتحط المبلغ في الصندوق والسواق بيديلك التذكرة أو ال transfer .. طبعا لما بتدفع الأجرة كاش بتكون أغلى من التذاكر
عادة علشان توصل مشوارك في تورنتو ممكن تكون بتستخدم اكتر من باص او subway (مترو الانفاق) او street car (الترام) .. انت بتدفع مرة واحدة أول مرة وبتحتفظ بالترانسفر توريها للسواق لما بتركب الباص اللي بعده .. في تورنتو لازم تستخدم الترانسفر خلال وقت الصلاحية ولازم تكون الرحلة اتجاه واحد (يعني ماينفعش تروح وتيجي مشوارك بنفس التذكرة لازم تذكرة جديدة)
لو تحب توفر ممكن تشتري مجموعة توكنز وتخليها معاك .. التوكنز هي تذاكر الTTC وشكلها زي العملة المعدنية بالظبط
أما لو بتستخدم المواصلات العامة بشكل مستمر هايكون اوفر ليك جدا انك تشتري Pass اللي هو الاشتراك .. أوفر إختيار هو الاشتراك الشهري (Monthly Pass) وبيسمحلك بركوب الباص والسابواي والستريت كار طوال اليوم عدد لا نهائي من المرات .. في كمان اشتراك اسبوعي ويومي ودول ممكن اينفعوك في اول ايامك في كندا خصوصا لو جيت في نص الشهر
معلومات أكتر عن التذاكر والاشتراكات هاتلاقيها على اللينك دا
https://www.ttc.ca/Fares_and_passes/index.jsp
فيه إختلاف بسيط لما بتركب السابواي
الأول .. الدفع بيكون على بوابة الدخول (زي نظام مترو الأنفاق في مصر) بتحط
الtoken أو المبلغ كاش علشان يفتح لك البوابة .. بعد ما تدخل من البوابة
هاتلاقي ماكينة لونها أحمر بتاخد منها الترانسفر بتاعتك .. الترانسفر بيكون
مكتوب عليها التاريخ والوقت وماينفعش تستخدمها بعد الوقت المطبوع عليها
لو معاك pass (اشتراك) بتمرر الكارت swipe على الماكينة علشان تعدي بوابة الدخول .. محطات السابواي كمان هاتلاقيها بتقبل كارت الدفع الالكتروني Presto بس خد بالك حتى الآن مايتفعش تستخدم كارت البريستو في الدفع في الباص أو الستريت كار
(اتكلمت قبل كدا عن كارت البرستو في موضوع "ايامي الاولى في كندا")
محطات السابواي بيكون فيها ماكينات Token Vending Machines آلية تقدر تشتري منها التوكنز بالكاش قبل ما تركب وأبضاً ماكينات Pass Vending Machines آلية تشتري منها الاشتراكات ودي بتقبل الدفع بالديبت أو الكريديت كارد
طبعا مش هي دي طريقة الشراء الوحيدة .. الTTC عندها أكتر من 1200 منفذ بيع تذاكر .. منهم على سبيل المثال صيدليات شوبرز المنتشرة في كل مكان في كندا .. لو عايز تعرف مكان اقرب موزع تقدر تشتري منه توكنز أو باس اضغط على اللينك دا
https://www.ttc.ca/Fares_and_passes/Prices/Buying_tickets_tokens_and_passes.jsp
لو معاك pass (اشتراك) بتمرر الكارت swipe على الماكينة علشان تعدي بوابة الدخول .. محطات السابواي كمان هاتلاقيها بتقبل كارت الدفع الالكتروني Presto بس خد بالك حتى الآن مايتفعش تستخدم كارت البريستو في الدفع في الباص أو الستريت كار
(اتكلمت قبل كدا عن كارت البرستو في موضوع "ايامي الاولى في كندا")
محطات السابواي بيكون فيها ماكينات Token Vending Machines آلية تقدر تشتري منها التوكنز بالكاش قبل ما تركب وأبضاً ماكينات Pass Vending Machines آلية تشتري منها الاشتراكات ودي بتقبل الدفع بالديبت أو الكريديت كارد
طبعا مش هي دي طريقة الشراء الوحيدة .. الTTC عندها أكتر من 1200 منفذ بيع تذاكر .. منهم على سبيل المثال صيدليات شوبرز المنتشرة في كل مكان في كندا .. لو عايز تعرف مكان اقرب موزع تقدر تشتري منه توكنز أو باس اضغط على اللينك دا
https://www.ttc.ca/Fares_and_passes/Prices/Buying_tickets_tokens_and_passes.jsp
كلامنا النهاردة هايكون عن التخطيط
لرحلتك .. أحد مميزات نظام المواصلات العامة هو النظام والإلتزام بالمواعيد
.. هنا كل باص له رقم بيميزه وله خط سير محدد وله مواعيد محددة مسبقاً
وليه وقفات مخصوصة (bus stop) علشان يركب وينزل منها الركاب .. ميعاد مرور
الباص على الstop كمان محدد بالدقيقة .. علشان كدا ما تستغربش إذا سألت عن
ميعاد الباص بتاعك وقالولك 10:57 .. لو رحت الساعة 11 غالباً هايكون الباص
اتحرك وفاتك (طبعاً في تأخير لظروف زي أحوال الطقس أوحركة المرور بس دا
الاستثناء) .. انت دايماً ادي لنفسك وقت وخليك متواجد قبل ميعاد الباص ب5
دقائق على الاقل.
خلينا نفترض انك رايح النهاردة للCN Tower في تورنتو علشان تتفسح ودا العنوان :
301 Front St W,
Toronto, ON M5V 2T6
هاتلاحظ ان العنوان في كندا بيكون رقم الشارع ثم اسم الشارع ثم المدينة ثم المقاطعة ثم البوستال كود
أسهل طريقة علشان تخطط لرحلتك هي خرائط جوجل https://www.google.ca/maps اكتب عنوانك وعنوان المكان اللي انت رايح له وحدد اليوم والتاريخ .. جوجل مابس هايظهرلك خط سيرك بالمواصلات بالتفصيل وهايديك بدايل .. خدمة هايلة من جوجل كنت ولا زالت باستخدمها كتير وباعتمد عليها .. (على طريقة دي وصفة سهلة دي وصفة هايلة
) هايقولك مثلاً اركب اتوبيس رقم كذا الساعة كذا من المكان الفلاني وانزل
بعد 10 محطات واركب السابواي وانزل بعد محطتين هاتلاقي نفسك وصلت .. جرب
بنفسك من الرابط دا
على فكرة في طرق ومواقع وخدمات تانية تقدر تعرف بيها خط سيرك والمواعيد .. مثلا كل مواقع شركات المواصلات العامة فيها trip planner تقدر تستخدمه .. بس أنا حبيت أتكلم النهاردة على أسهل طريقة
معلومة أخيرة في موضوعنا النهاردة .. كل الشركات عندها خط لخدمة العملاء .. لو تهت في السكة تقدر تكلمهم ويساعدوك .. رقم تليفون خدمة العملاء ورقم الstop بيكون مكتوب على اليافطة .. أغلب الشركات كمان بيكون فيها نظام أتوماتيك من غير ما تحتاج تتكلم مع مظف خدمة العملاء .. بمجرد ادخال رقم الstop بيديلك جدول مواعيد مرور الباص قدام الstop دي
خلينا نفترض انك رايح النهاردة للCN Tower في تورنتو علشان تتفسح ودا العنوان :
301 Front St W,
Toronto, ON M5V 2T6
هاتلاحظ ان العنوان في كندا بيكون رقم الشارع ثم اسم الشارع ثم المدينة ثم المقاطعة ثم البوستال كود
أسهل طريقة علشان تخطط لرحلتك هي خرائط جوجل https://www.google.ca/maps اكتب عنوانك وعنوان المكان اللي انت رايح له وحدد اليوم والتاريخ .. جوجل مابس هايظهرلك خط سيرك بالمواصلات بالتفصيل وهايديك بدايل .. خدمة هايلة من جوجل كنت ولا زالت باستخدمها كتير وباعتمد عليها .. (على طريقة دي وصفة سهلة دي وصفة هايلة
) هايقولك مثلاً اركب اتوبيس رقم كذا الساعة كذا من المكان الفلاني وانزل
بعد 10 محطات واركب السابواي وانزل بعد محطتين هاتلاقي نفسك وصلت .. جرب
بنفسك من الرابط داعلى فكرة في طرق ومواقع وخدمات تانية تقدر تعرف بيها خط سيرك والمواعيد .. مثلا كل مواقع شركات المواصلات العامة فيها trip planner تقدر تستخدمه .. بس أنا حبيت أتكلم النهاردة على أسهل طريقة
معلومة أخيرة في موضوعنا النهاردة .. كل الشركات عندها خط لخدمة العملاء .. لو تهت في السكة تقدر تكلمهم ويساعدوك .. رقم تليفون خدمة العملاء ورقم الstop بيكون مكتوب على اليافطة .. أغلب الشركات كمان بيكون فيها نظام أتوماتيك من غير ما تحتاج تتكلم مع مظف خدمة العملاء .. بمجرد ادخال رقم الstop بيديلك جدول مواعيد مرور الباص قدام الstop دي
عايز اتكلم بقى عن ذوقيات ركوب الباص 
الكنديين فعلاً من أكثر شعوب الأرض تهذيباً .. حقيقة هاتلاحظها كتير وانت بتستخدم الباص
الطابور جزء أساسي من ثقافة الشعب الكندي كل حاجة بالدور علشان كدا الناس بتقف في الطابور وهي مستنية الباص
الحاجة التانية اللي كنت منبهر جدا بيها في ايامي الاولى هي إحترامهم لذوي الاحتياجات الخاصة .. الأولوية في الصعود والجلوس والنزول بتكون لذوي الإحتياجات الخاصة .. وقت الصعود الباب بيتفتح وبيتفرد جسر علشان يقدروا يطلعوا بالكرسي المتحرك عليه وفي الباص بيطبقوا الكنبة الأمامية علشان يتحط مكانها الكرسي المتحرك والسواق بيروح بنفسه يساعد في ربط الكرسي المتحرك في حزام الأمان.
بالنسبة لكبار السن لما بيجوا يركبوا ، الباص بينحني أو بيميل على جنب علشان تكون المسافة من الرصيف لعتبة الباب أقل ما يمكن .. كبار السن والحوامل والأمهات اللي معاهم عربيات الأطفال ليهم مقاعد الأولوية الأمامية وعليها ستيكر خاص (بيسموها courtesy seats)
لما بيجي دورك تركب الباص بتركب دايماً من الباب الأمامي .. ابتسم في وش السواق وقوله Good Morning وحط تذكرتك في الصندوق الصغير الموجود على يمينه .. السواق بيقولك thank you وبيديلك الترانسفير بتاعك .. زي ما اتفقنا لو انت راكب الباص لوحدك ماتقعدش على كراسي الcourtesy seats واتحرك لأخر الباص على أد ماتقدر .. وأنت في الطريق شاشة الباص بتعرض وبتذيع اسم الstop القادمة .. الباص مش بيقف على على كل المحطات قبل ماتيجي الstop بتاعتك بتشد الحبل الموجود جنبك (بعض الباصات فيها أزرار مش حبل) علشان تنبه السواق ويقف لك .. الخروج عادة من الباب الخلفي .. الباب الخلفي مش بيفتح اوتوماتيك لازم تضغط على البار علشان يفتح .. هاتلاحظ إن الناس وهي نازله بتشكر السواق وهو بيتمنالها يوم سعيد
حاجة أخيرة جديرة بالذكر علشان يشجعوا الناس على إستخدام العجلة مقدمة الباص بتكون مزودة براك (حامل) تقدر تثبت العجلة بتاعتك عليه وتاخدها معاك المشوار ولما توصل تقدر تفك العجلة من على الراك الأمامي وتكمل بيها رحلتك
الكنديين فعلاً من أكثر شعوب الأرض تهذيباً .. حقيقة هاتلاحظها كتير وانت بتستخدم الباص
الطابور جزء أساسي من ثقافة الشعب الكندي كل حاجة بالدور علشان كدا الناس بتقف في الطابور وهي مستنية الباص
الحاجة التانية اللي كنت منبهر جدا بيها في ايامي الاولى هي إحترامهم لذوي الاحتياجات الخاصة .. الأولوية في الصعود والجلوس والنزول بتكون لذوي الإحتياجات الخاصة .. وقت الصعود الباب بيتفتح وبيتفرد جسر علشان يقدروا يطلعوا بالكرسي المتحرك عليه وفي الباص بيطبقوا الكنبة الأمامية علشان يتحط مكانها الكرسي المتحرك والسواق بيروح بنفسه يساعد في ربط الكرسي المتحرك في حزام الأمان.
بالنسبة لكبار السن لما بيجوا يركبوا ، الباص بينحني أو بيميل على جنب علشان تكون المسافة من الرصيف لعتبة الباب أقل ما يمكن .. كبار السن والحوامل والأمهات اللي معاهم عربيات الأطفال ليهم مقاعد الأولوية الأمامية وعليها ستيكر خاص (بيسموها courtesy seats)
لما بيجي دورك تركب الباص بتركب دايماً من الباب الأمامي .. ابتسم في وش السواق وقوله Good Morning وحط تذكرتك في الصندوق الصغير الموجود على يمينه .. السواق بيقولك thank you وبيديلك الترانسفير بتاعك .. زي ما اتفقنا لو انت راكب الباص لوحدك ماتقعدش على كراسي الcourtesy seats واتحرك لأخر الباص على أد ماتقدر .. وأنت في الطريق شاشة الباص بتعرض وبتذيع اسم الstop القادمة .. الباص مش بيقف على على كل المحطات قبل ماتيجي الstop بتاعتك بتشد الحبل الموجود جنبك (بعض الباصات فيها أزرار مش حبل) علشان تنبه السواق ويقف لك .. الخروج عادة من الباب الخلفي .. الباب الخلفي مش بيفتح اوتوماتيك لازم تضغط على البار علشان يفتح .. هاتلاحظ إن الناس وهي نازله بتشكر السواق وهو بيتمنالها يوم سعيد
حاجة أخيرة جديرة بالذكر علشان يشجعوا الناس على إستخدام العجلة مقدمة الباص بتكون مزودة براك (حامل) تقدر تثبت العجلة بتاعتك عليه وتاخدها معاك المشوار ولما توصل تقدر تفك العجلة من على الراك الأمامي وتكمل بيها رحلتك
